النايفة
19-04-2008, 01:53 AM
السلام عليكم شباب وبنات...
حبيت اعطيكم بعض النصايح اذا احبيتوا تروحون اوستراليا
طبعا اوستراليا عجيبة باعتبارها اميركا مصغرة
لاني رحتلها 6 مرات وانشاءالله تكون هالسنة الرحلة السابعة
من اجوائها الحلوة
اول شي لما تكون بالطيارة راح يعطونك كارت
هالكارت تذكر فيه كل شي موجود عندك فالشنطة
من الصغيرة الا الكبيره .. راح تقولون ليش ؟؟؟
لان اذ ماذكرتو هالاشياء راح ينزلون جناطكم ويهدون عليهم كلاب بوليسية اجلكم الله ..
فانتم الصراحة ماترضون في هالشغلات .. ولكن اذا انت ذاكر هالشي تطوف بسرعة من الجهاز ولا عليك اي شي
والصراحة لاتلومونهم ... اكيد يخافون وياخذون حذرهم
بخصوص الفلوس يستحسن انك تصرف من ديرتك (دولار اوسترالي )
لان الصرف يفرق من ديرتك وعندهم
ولاتصرف دولار اميريكي يصلخونك صلخ هناك
بس ود معاك احتياط دولار امريكي للضروره
والبطاقات الااتمانية احتياط لو سمح الله صارلك شي هناك
المناطق
سدني حرصو بالليل تلبسون شي ثقيل لانها تكون باردة شوي
وبالنهار عادي لبس عادي موثقيل
والاقامة فيها مواكثر من 5 ايام لانها صغيرة
مالبورن منطقه باردة حرصوا بالليل والنهار وشماسياتكم معاكم
لانها باردة
والاقامة فيها مواكثر من ثلاث ايام لانها صغيرة ومافيها شي
عندهم سوق مثل سوق الجمعه اللي في الكويت اسمة فيكتوريا
بس على اذرب من سوق الجمعه
طبعا جولد كوست الرمال الذهبية
لاهي باردة ولاهي حارة
لو تلبس بليل فيها شورت وتيشيرت ماتحس بالبرودة
والاقامه فيها شهر شوي عليها من جمالها
اهني صج تكون المتعة كل المعالم فيها وكبيرة
الحس فيها شغال ليل ونهار .. وكل ماقلت المدة وتبي ترجع للديرة
ودك تقول ابي اطول اكثر فيها
ثاني شي
لما تنزلون في اوستراليا اي منطقه كانت خصوصا في الليل حاولوا
تتمشون في اماكن عامة وفيها ناس وايد لان هناك يكون الخوف من العرب نفسهم اللي
يعيشون في هذه البلدة اكثر من سكانها
وحاولوا انكم لاتتكبرون هناك لانهم مايحبون من هذ النوع يعني باختصار
اي مشكله اقرب بوليس ستيشن عادي عندهم
ثالث شي
اللي يبي يركب التاكسي
لايركب التكسي تبع الفندق يسحب فلوسة سحب
يوقف اي واحد بالشارع
وهذ نقطه ضرورية .. في اماكن مخصصه للتكاسي
يعني تمشي بالشارع نفس ديرتنا وتاشر حق تكسي ويلف على العالم علشان يوقفلك لالا انسى هالشي
يعني عادي تمشي كيلو او اكثر او تعبر شارع علشان توصل حق محطة التكاسي المخصصة لهم
يعني تاشر حق تكسي بالشارع انسىىىىىىى يوقفلك
الباصات والقطارات ..
هناك لازم تقطعلك كرت وعلى حسي المدة اللي تبيها
تقدر تركب بدون لاتقطع الكرت بس دير بالك لايطيح عليك المفتش
وان طاح عليك غرامتها 500 دولار اوسترالي
رابع شي
الناس اللي يشكون من الاكل ان كان اسلامي او لا
في بعض المطاعم تلقا فيه عرب يشتغلون بس هذ مايمنع ان يكون الاكل مواسلامي
فضروري تسال عن هالنقطة
والافضل انكم تاخذون معاكم اكواب للمشروبات البارده
لان هناك عادي الف واحد شارب فيه الواين الخمر ويحطه لك
وعندكم السي فود الماكولات البحرية تاكدو من الزيت اللي يستخدمونة
في انواع نوع بقري ونوع دهن الخنزير اجلكم الله ونوع النباتي
لاتستهينون في هالشي وعلبالكم ان خلاص ماكولات بحرية عادي
تاكدو من الزيت بالاول
خامس شي
اللي يبي يتسوق هناك كل شي تشتري اخذ الفاتورة
لاتخلي شي ... حق الاتاكست الضرايب يرجعونهم في المطار طبعا هذ
في كل الدول الا الخليج
وحرص ان يكون جواز السفر معاك علشان الخصومات يمكن تبي تاخذلك
شي ماركة عالمية فيطلبون الجواز للخصم وخصمهم عجيييب الصراحة
سادس شي واهم شي
لما تبي ترجع ديرتك انشالله
حاول ان الجنطة اللي معاك مايتعدى وزنها اكثر من 30 كيلو حرص على هالشي
يعني لو معاك خمس جناط واكثر بس لايتعدا وزن الجنطة الوحدة 30 كيلو
لان ان تعدى هالشي راح تتوهق وتضطر انك تفتح جناطك جدام العالم وتوزع الاغراض بين جناطك
طبعا في ميزان مخصص حق هالشي .. واذا ماكفوا الجناط راح يعطونكم كياس توزعون فيها الاغراض
اسال مجرب ولاتسال طبيب
فحرصوا على هالاشياء لانها ضرورية وراح تصادفكم اذا ماسويتوها
وعلى فكرة بخصوص الاكل اللي بالطيارة
تقدرون تطلبون من الكاونتر تفسة لما تبون تاكدون على الرحلة انكم تطلبون اكل اسلامي
او اذا ماتوفر هالشي تقدرون تطلبون اي شي ثاني مثل الخضروات
وامنا لكم رحلة سعيدة وممتعة انشاءالله
وتروحون وترجعون بألف سلامة
حبيت اعطيكم بعض النصايح اذا احبيتوا تروحون اوستراليا
طبعا اوستراليا عجيبة باعتبارها اميركا مصغرة
لاني رحتلها 6 مرات وانشاءالله تكون هالسنة الرحلة السابعة
من اجوائها الحلوة
اول شي لما تكون بالطيارة راح يعطونك كارت
هالكارت تذكر فيه كل شي موجود عندك فالشنطة
من الصغيرة الا الكبيره .. راح تقولون ليش ؟؟؟
لان اذ ماذكرتو هالاشياء راح ينزلون جناطكم ويهدون عليهم كلاب بوليسية اجلكم الله ..
فانتم الصراحة ماترضون في هالشغلات .. ولكن اذا انت ذاكر هالشي تطوف بسرعة من الجهاز ولا عليك اي شي
والصراحة لاتلومونهم ... اكيد يخافون وياخذون حذرهم
بخصوص الفلوس يستحسن انك تصرف من ديرتك (دولار اوسترالي )
لان الصرف يفرق من ديرتك وعندهم
ولاتصرف دولار اميريكي يصلخونك صلخ هناك
بس ود معاك احتياط دولار امريكي للضروره
والبطاقات الااتمانية احتياط لو سمح الله صارلك شي هناك
المناطق
سدني حرصو بالليل تلبسون شي ثقيل لانها تكون باردة شوي
وبالنهار عادي لبس عادي موثقيل
والاقامة فيها مواكثر من 5 ايام لانها صغيرة
مالبورن منطقه باردة حرصوا بالليل والنهار وشماسياتكم معاكم
لانها باردة
والاقامة فيها مواكثر من ثلاث ايام لانها صغيرة ومافيها شي
عندهم سوق مثل سوق الجمعه اللي في الكويت اسمة فيكتوريا
بس على اذرب من سوق الجمعه
طبعا جولد كوست الرمال الذهبية
لاهي باردة ولاهي حارة
لو تلبس بليل فيها شورت وتيشيرت ماتحس بالبرودة
والاقامه فيها شهر شوي عليها من جمالها
اهني صج تكون المتعة كل المعالم فيها وكبيرة
الحس فيها شغال ليل ونهار .. وكل ماقلت المدة وتبي ترجع للديرة
ودك تقول ابي اطول اكثر فيها
ثاني شي
لما تنزلون في اوستراليا اي منطقه كانت خصوصا في الليل حاولوا
تتمشون في اماكن عامة وفيها ناس وايد لان هناك يكون الخوف من العرب نفسهم اللي
يعيشون في هذه البلدة اكثر من سكانها
وحاولوا انكم لاتتكبرون هناك لانهم مايحبون من هذ النوع يعني باختصار
اي مشكله اقرب بوليس ستيشن عادي عندهم
ثالث شي
اللي يبي يركب التاكسي
لايركب التكسي تبع الفندق يسحب فلوسة سحب
يوقف اي واحد بالشارع
وهذ نقطه ضرورية .. في اماكن مخصصه للتكاسي
يعني تمشي بالشارع نفس ديرتنا وتاشر حق تكسي ويلف على العالم علشان يوقفلك لالا انسى هالشي
يعني عادي تمشي كيلو او اكثر او تعبر شارع علشان توصل حق محطة التكاسي المخصصة لهم
يعني تاشر حق تكسي بالشارع انسىىىىىىى يوقفلك
الباصات والقطارات ..
هناك لازم تقطعلك كرت وعلى حسي المدة اللي تبيها
تقدر تركب بدون لاتقطع الكرت بس دير بالك لايطيح عليك المفتش
وان طاح عليك غرامتها 500 دولار اوسترالي
رابع شي
الناس اللي يشكون من الاكل ان كان اسلامي او لا
في بعض المطاعم تلقا فيه عرب يشتغلون بس هذ مايمنع ان يكون الاكل مواسلامي
فضروري تسال عن هالنقطة
والافضل انكم تاخذون معاكم اكواب للمشروبات البارده
لان هناك عادي الف واحد شارب فيه الواين الخمر ويحطه لك
وعندكم السي فود الماكولات البحرية تاكدو من الزيت اللي يستخدمونة
في انواع نوع بقري ونوع دهن الخنزير اجلكم الله ونوع النباتي
لاتستهينون في هالشي وعلبالكم ان خلاص ماكولات بحرية عادي
تاكدو من الزيت بالاول
خامس شي
اللي يبي يتسوق هناك كل شي تشتري اخذ الفاتورة
لاتخلي شي ... حق الاتاكست الضرايب يرجعونهم في المطار طبعا هذ
في كل الدول الا الخليج
وحرص ان يكون جواز السفر معاك علشان الخصومات يمكن تبي تاخذلك
شي ماركة عالمية فيطلبون الجواز للخصم وخصمهم عجيييب الصراحة
سادس شي واهم شي
لما تبي ترجع ديرتك انشالله
حاول ان الجنطة اللي معاك مايتعدى وزنها اكثر من 30 كيلو حرص على هالشي
يعني لو معاك خمس جناط واكثر بس لايتعدا وزن الجنطة الوحدة 30 كيلو
لان ان تعدى هالشي راح تتوهق وتضطر انك تفتح جناطك جدام العالم وتوزع الاغراض بين جناطك
طبعا في ميزان مخصص حق هالشي .. واذا ماكفوا الجناط راح يعطونكم كياس توزعون فيها الاغراض
اسال مجرب ولاتسال طبيب
فحرصوا على هالاشياء لانها ضرورية وراح تصادفكم اذا ماسويتوها
وعلى فكرة بخصوص الاكل اللي بالطيارة
تقدرون تطلبون من الكاونتر تفسة لما تبون تاكدون على الرحلة انكم تطلبون اكل اسلامي
او اذا ماتوفر هالشي تقدرون تطلبون اي شي ثاني مثل الخضروات
وامنا لكم رحلة سعيدة وممتعة انشاءالله
وتروحون وترجعون بألف سلامة