اخوي بوضرار ، ولكل من زار غوانزو ،ممكن مساعده [الأرشيف]

بنت البحرين

16-03-2009, 05:33 PM

السلام عليكم ورحمة الله وبركاته

اخوي بوضرار ولكل الاخوه الي عندهم تجربة بزيارة غوانزوا، ياريت تفيدوني

انا لي نية السفر الي غوانزوا ، والغرض التجاره لشراء هدايا ومستلزمات تغليفها ، ابغي اعرف وين أجدها بالضبط،

ياريت ترشحوا لي فنادق قريبة من السوق وبسعر مناسب
وافضل طيران

واكون لكم شاكره

nokhetha

21-04-2009, 03:39 PM

السلام عليكم بنت البحرين

انا لم ازر كوانزو الا مرة واحده قبل سنتين وسوف ازورها قريبا ان شاء الله
وما استطيع ان اقوله لك انك حتى اذا غشوك او ضعتي بين الاسواق الكبيرة
ستجدين ما يسرك ولن ترجعي دون فائدة ولازم تعوضين سفرتك من بيع ما تشترينه
اذا سألتي في الفندق ممكن يدلونك على السوق
وهناك خريطة للقطار اسفل الارض وهو جدا رائع ورخيص وتوجد خريطه له
تجدينها في الفندق او البقالات والبقالات كثيرة هناك
اكتبي في قوقل ( كوانزو ) ستجدين ما يسرك من الاسواق والمجمعات مع العنوان
والكروت الخاصة بتلك العناوين اسحبيها واطبعيها واعطيها للتاكسي وسوف يأخذك
على فكرة البلد جدا متطوره نفس نظام بلاد اوروبا افضل من تايلند وايد
اذا كنتي رايحه تايلند
وسوق الساعات عندهم افضل جدا من ساعات تايلند بالنسبة للتقليد
وما اوصيك على المكاسر اذا قال 100 قولي 10 وهذا صحيح دون مبالغه
ودائما خلي في بالك انهم شعب نصاب ويحب الطنازه والضحك على الناس وخاصة العرب
لانهم يكرهون العرب بشكل مو طبيعي عدا المسلمين منهم
وروحي ولا تخافين ترى كل شيء واضح وراح تشوفين العجائب هناك
وكل مجمع او سوق تدخلينه تشوفين اشياء جديده كثيرة
ونصيحه ثبتي على اسعار السوق عندكم على كل شيء واذا احتاج الامر انك تكتبين على ورقه
اكتبي ولا تترددين فيه لانك ستحتاجين ما لا تتوقعين هناك
انا شخصيا كنت رايح اشتري اكسسوارات منزلية اشترين اغراض مكتبية ( قرطاسية )
وغرقت فيها الحين والحمد لله الله وفقني وبديت
انزل في الجمعيات التعاونية
والجمعيات بابها حلو بس يبي علاقات ومعارف
واذا اشتريتي اشياء كثيرة وحبيتي تفتحين خط على الكويت فاحنا نعين ونعاون

والله يوفقك في ما ترغبين شراؤه