قصتي مع الاتصالات وموبايلي ~ ~

[مخاوي الونس]

احبة الدار الرحالة العرب

لما شفت الاخ حمودي جايب موضوع مقارنة ما بين الاتصالات وموبايلي

قلت ياولد هالموضوع يقرقع في صدري من زمان ودي اكتبه لكن خايف اني اتسبب على شركات الاتصالات بالافلاس خخخ

بعدها وصلت لقناعة اني لازم اقول الحقيقة وما علي من احد والمخطي يتحمل خطاه

وش رايكم فيني عاد

وش لنا بالسوالف الكثيرة هذي هي تجربتي مع الشركتين وانتم احكموا وقارنوا

اقول لكم تجربتي مع الاتصالات وموبايلي

هذه تجربتي انا ولم انقلها او اسمعها من احد

كنت ادفع فواتير مع الاتصالات ما بين الأربعمائة وخمسين والستمائة وخمسين كمتوسط
من عيوب الاتصالات
انك تواجه مشكلة اذا طلبت 902 لازم تكون فاضي او متابع مسلسل مكسيكي او تركي لأنك بتغني ما اطولك ياليل

لما يصير عليك مشكلة يزعجونك بالاتصالات وراح نحلها وغبر ياثور على قرنك ما عند احد

الفواتير مره تجي على صندوق البريد ومرات ماتجي
لكن ما راح تستفيد منها شيء غير سدد
لما تتصل ويرد عليك واحد للأسف موظفينه لأن عمه مدير عام في شركة الاتصالات ولا ولد عمه او يقرب لواحد من جيرانه هو اللي موظفه
وتكلمه عن الخدمات تلقاه من جنبها ما يدري وش الطبخة
وش تسوي
حتى بعضهم ما تفهم طريقة كلامه
يعني ما يصلح مأمور خدمات
وارجع اقول حسبي الله على اللي كان السبب
والمشاكل معهم عد واغلط
مع اني كنت لا اتعامل مع العروض ولا التخفيضات ولا حتى المميزات
حتى اسلم من مبالغ يحطونها في الفاتورة ما لك فيها حاجة
غير التسويق

وبعد ما اخذ الضغط والكاتم مني مأخذه
قلت ما بدهاش

فقدر الله علي

اي والله قدر الله علي ونقلت كل الارقام اللي تخصني لشركة موبايلي
من كثرها عاد تراها رقمين رقم المدام ورقمي
طبعا هي اول خخخ
رحت لشركة موبايلي واشوفه خفيف لا زحمة ولا من ورى حاجز وكل شيء تمام
ولا تحتاج واسطة عشان تطلع رقم
في دقايق يخدمونك وعندهم ميزة
في كل شارع تلقاهم خخخ


قلت لهم ابي احول ارقامي على موبايلي قالو غالي والطلب سهل سدد جميع المبالغ وبعد 48 ساعة را ح تصير عميل لنا
خخخ حلوه عميل رأفت الهجان

المهم سددت للاتصالات وزدت في المبلغ عشان ما يلقون الاتصالات حجة علي وما يوافقون على انتقالي

والحمد لله تم كل هالشي

واول فاتورة كنت مشكك فيها صدرت للرقمين واحد 92 ريال والثاني في حدود ال70 ريال
اتصلت عليهم وقلت وش السالفة لا تكون هذي اجور التحويل
قال الموظف لا هذي اجور مكالماتك لمدة ثلاث اسابيع
لأن الفاتورة تصدر يوم 22 من الشهر الميلادي
تصدقون سكرت بسرعة خفت يهون

سولفت مع واحد من الربع المخذلين حسبنا الله المستعان

قال لي ما عليك منهم تلقاها حقة اسبوع خله تجيك فاتورة الشهر الجاي وتشوف

طبعا موبايلي حقانيين فاتورة كل شهر بشهره ما عندهم ترحيل ولا تأجيل

جت فاتورة الشهر الأول كامل كم تتوقعون

تصدقون ما تجاوزت 120 ريال والخط الثاني كانت 90 ريال
تحسفت اني ما راهنته كان كسبت العشاء على حسابه خخخ


قلت معقولة وش اللي صار قبل شهر مسدد فاتورة لشركة الاتصالات بـ 685 ريال يعني لما نقسمها على اثنين تصير 342 ريال تقريبا

اتصلت على 1100 طبعا اعاد علي الخدمات المقدمة مجاناً
الاشتراك موبايلي بلص كل الخدمات مجانية حتى رسوم الاشتراك الشهري 45 مجاناً

قلت ولو
اكيد ما عندكم مكالمات مرحلة تجي في الفاتورة الثانية
قال ابد هذي مكالماتك كلها

قلت شكرا وسكرت بدون ما اقييم مكالمته خبركم هالايام ممكن الواحد يرجع في كلامه

استمرت فواتيري تصدر على هالطريقة ما بين الـ 90 إلى 155 ريال خبركم الواحد صارت فاتورته يستحي يطريها في المجالس

وبعدها

راح اكمل باقي قصتي مع شركة موبايلي المحترمين


تابعوني ابوخالد

[نبض القلم]

قصة رااائعه جدا يابوخالد..
انا اسير لدى شركة الإتصالات ادفع وادفع فقط..
الله يجزاك خير فاتورتك فقط 600
احسن لي أسكت لا تحكمون علي بالجنون..
ننتظر بقية القصة لعلنا نتحول الى موبايلي ونرتاح.

[سفير الوطن]

بانتظار قصه موبايلي
وبعدها يمكن احول
او ابقى اسير لشركه الاتصالات

[نبض القلم]

كمل يابو خااااالد الله يرحم والديك .

[مخاوي الونس]

المشاركة الأصلية كتبت بواسطة نبض القلم

قصة رااائعه جدا يابوخالد..
انا اسير لدى شركة الإتصالات ادفع وادفع فقط..
الله يجزاك خير فاتورتك فقط 600
احسن لي أسكت لا تحكمون علي بالجنون..
ننتظر بقية القصة لعلنا نتحول الى موبايلي ونرتاح.

الله يحييك يا بوسعد

الله يعينك ان كان الاتصالات مدتها طويلة




تحياااتي

[مخاوي الونس]

المشاركة الأصلية كتبت بواسطة سفير الوطن

بانتظار قصه موبايلي
وبعدها يمكن احول
او ابقى اسير لشركه الاتصالات

حي الله سفير الوطن من الحدود الشمالية

مع البرد وشلون تقدرون تكلمون تكفى علمني


وبالنسبة لنا المفروض يكون هم بحاجتنا

اسمع القصة وانت الحكم

[bagher]

وازيدك من الشعر ابيات قررت اشترك في خدمة آفاق شامل وما كنت اعرف ان النصب في الهاتف الدي سي ال غير شامل ولكن لمن تشترك في شامل يكون النصب شامل .

المهم اشتركت في شهر رمضان . ومن وقتها بدأ النصب من تقديم الخدمة . ولمن اتصل وبكل وقاحة يقول الموظف احن حسبنا عليك من يوم ما اشتركت . وهذا الشهر طلعت الفاتورة مضاعفة وقال الموظف في غلط في الفاتورة وراح نراجع الغلط فين ( على هامان يا فرعون ) .

ولمن تلغي تلاقيهم كل مرة يقلك طيب راح نلغي الخدمة . وبالميت بعداربعة اشهر لمن تلغى الخدمة .
مافي مقدم خدمة غيرهم للهاتف الثابت . والله لو بضعف المبلغ اشترك معاهم .

[مخاوي الونس]

المشاركة الأصلية كتبت بواسطة bagher

وازيدك من الشعر ابيات قررت اشترك في خدمة آفاق شامل وما كنت اعرف ان النصب في الهاتف الدي سي ال غير شامل ولكن لمن تشترك في شامل يكون النصب شامل .

المهم اشتركت في شهر رمضان . ومن وقتها بدأ النصب من تقديم الخدمة . ولمن اتصل وبكل وقاحة يقول الموظف احن حسبنا عليك من يوم ما اشتركت . وهذا الشهر طلعت الفاتورة مضاعفة وقال الموظف في غلط في الفاتورة وراح نراجع الغلط فين ( على هامان يا فرعون ) .

ولمن تلغي تلاقيهم كل مرة يقلك طيب راح نلغي الخدمة . وبالميت بعداربعة اشهر لمن تلغى الخدمة .
مافي مقدم خدمة غيرهم للهاتف الثابت . والله لو بضعف المبلغ اشترك معاهم .

حبيبنا ابوعاصم

مشكلة الـ dsl هذي يحتاج لها مواويل ومواويل

تصدق انا ملغي الخدمة من شهر رجب العام الماضي ولا زال يحسب علي في الفاتورة

يعني بالعربي مطبقين الدعاية لم تجرب مش ح تهرب


والله يعينا على مشاكلهم

لكن الواحد زمان يقول ما عندي مشكلة اساهم في توظيف اكبر عدد من عيال الديرة ( طبعا لما تدفع تحاول تبرر لنفسك هههههه )

لكن الآن الأغلب في شركة الاتصالات وخصوصا في الصيانة من العمال وولد الديرة ماله مكان في شركة الاتصالات .


تحيااااتي

[مخاوي الونس]

اكمل لكم قصتي مع شركة موبايلي

الاكيد اني حسيت ان شركة الاتصالات عندها نوع من المخادعة

ولا كيف تفسرون فاتورة جوالي ونفس اتصالاتي تنزل أكثر من النصف

وبديت دعاية لهم في المجالس

وهذا والله من باب النصح للي يسئلني واقول اتصالاتي نفسها والوقت نفسه لكن المبالغ غير

مع ان اكثر اتصالاتي كانت بارقام من شركة الاتصالات وهذي تكلفتها للدقيقة تقريبا 35 هلله للدقيقة

واجهتني بعض المشاكل
ان الاتصال بارقام الاتصالات لصيانة الثابت او الاستعلام عن رقم يكون غير متوفر أو الدقيقة ممكن توصل ريال

قلت معهم حق هذي الخدمة موب عندهم

استمريت والامور كلها حلاوة

وبعد مرور اربع شهور بالضبط

اتصلت على رقم 1100 لاتأكد من خدمة موجود اكسترا لزوم الاجازة وقتها

وكان الرصيد المستحق علي 101 ريال
وكنت استفسر عن خدمة الانترنت على رقمي الثاني وكيفية شحنه

المهم انتهيت منهم وصار عندي احساس ان الموظف اخطأ وأضاف 100 ريال قيمة اتصال انترنت على رقمي

ليش تدرون

لما وصلت لأبها يعني خلال 12 ساعة صار الرصيد المستحق علي 201 ريال

حاولت اتصل واتفاهم معهم ان كان فيه خطأ

المهم ما فيه فايدة زرت مكتبهم في ابها واستفسرت من الموظف

وقال لي لا هذي اجور مكالماتك

قلت ياشيخ مو معقولة الشهر اللي راح مسدد الفاتورة 118 ريال

قال هذا اللي عندنا طيب عطني فاتورة قال للأسف الجهاز عطلان رح لفرعنا اللي في خميس مشيط

وهناك رحت قال للأسف ما عندنا طباعة فواتير

المهم طفشت وقلت لما ارجع الرياض اشوف المشكلة

لما جيت الرياض طبعا الاكيد اني سددت غصبا عني

وطلعت الفاتورة الثانية والمبلغ يصير 230 ريال تقريبا

قلت الربع طولوها راجعت المكتب وحاولت اتحصل على فاتورة

طبع لي اوراق يصعب عليك تتأكد من صحة الارقام اللي فيها

المهم استمرت هالحالة وكل شهر تزيد حتى وصل المبلغ كمتوسط شهري 300 ريال

سلمت امري لله وكعادة الشعب السعودي ما فيه طول نفس للمراجعات والمناكشات

وانا اشكي همومنا مع الشركات قالي ابن عمي ياحليلك اسمع هالقصة وتعرف

نسيبي صار له قصة افضع من قصتك

اكملها لكم قريبا

تابعونا >>> مبطين عن تابعونا

[الباخص]

اخوي ابوخالد لقد ضربتني بمقتل
فوالله حاولت وحاولت الانتقال ولكن يأبون وااسفاه
مع انني مرات ومرات دفعت فاتورتي وتخالصت وياهم ولكن المماطلة لاتنتهي
والسبب معروف لاحسيب ولارقيب على هالشركة للاسف !!!
يبدو والله العالم اني بخلي رقمهم لهم واطلع جديد ونكنسله وبس
يعني بجد خذو فلوسنا منا حسبي الله عليهم جميعاً


اخوك الشاكر